رفعت كفي..ماقدرت ارفع الصوت..
لوكاااان في الخاطر..كلام كتمته...
لحظة وداع /وكنها سكرة الموت..
ضااع الطريق..اللي من اول رسمته..
ضاع الطريق ..وصرت في الدرب مبهوت..
مدري وش اللي فاتني مااغتنمته..
العمر مر..وراح مع فايت الفوت..
صحيح ضعت وضاع حلم حلمته..
الا انت ياللي قربك لروحي القوت..
لوغبت/يبقى وسمك اللي وسمته..
يبقى كما نقش على الصخر منحوت..
حفظته..بشكله ولونه وسمته..
مهما الفراق اوجاع والبعد ممقوت..
اصبح مصير من غلاك/احترمته..
دمع النصر لوطاح من عين جالوت..
عين العقل دمع تكنه/حشمته...
ذخرت لك يافرحة العمر..تابوت..
فيه الغرام اللي بديته /ختمته..
يبقى الغصن لومابقى فالغصن توت..
تحرك انسام الذعاذيع ..صمته...
سكت..وانا موادعك مكبووت..
شيء تجاهلته ..وشيء فهمته..
حبل الرجاء من جور الايام مفلوت..
ياليت قلبي..عن غرامك عصمته..
ليست هناك تعليقات:
إرسال تعليق